O noso compromiso é grande e por iso fixemos un gran esforzo para seleccionar e ofrecerche a mellor carta de navegación para gozar do verán en Vigo e na ría. Unha selección das experiencias e plans máis espectaculares e interesantes como rutas históricas de navegación descubrindo a Batalla de Rande, San Simón, Baiona e o descubrimento de América, Cangas a vila mariñeira.

Se prefires a pé, temos os mellores percorridos con auténticos expertos locais en Vigo, Baiona, Cangas e Redondela, rutas perfectas para ensinar e compartir con familiares ou amigos de visita.

Tamén podes probar queimadas, paseos a cabalo de pura raza autóctona, aluguer de bicicletas ou a nosa ruta sensorial dos viños galegos no centro de Vigo onde coñecerás polo miúdo todos os segredos dos nosos viños da man dun experto sumiller.